Ambasadorja e SHBA-së në Kombet e Bashkuara, Nikki Haley e ka quajtur luftë të Rusisë ndërhyrjen e Moskës në zgjedhjet presidenciale të vitit 2016, ku u zgjodh Trump president, shkruan Daily news, përcjell “Bota sot”.
Nikki Haley tha se përpjekjet e Rusisë në ndikimin e zgjedhjeve në SHBA kanë pasur për qëllim të shkaktojnë kaos në vend.
"Rusët, Zoti i bekoftë ata, po thonë, 'Pse janë amerikanët anti-rusë? Dhe pse i kemi vënë sanksionet? "Ne u themi atyre, epo, mos ndërhyni në zgjedhjet tona dhe ne nuk do të jemi anti-rus", tha Haley.
"Kur një vend mund të vijë dhe të ndërhyjë në zgjedhjet e një vendi tjetër, kjo është luftë", tha më tej ajo.
Sipas saj, Trump kurrë nuk ka përdorur një gjuhë guximshme për të kritikuar Rusinë, kur ai flet për hakimet e Moskës në zgjedhjet në SHBA.
Në vend të kësaj, Presidenti ka vënë në pikëpyetje vlerësimin e komunitetit të zbulimit të SHBA-së se Kremlini ka ndërhyrë në zgjedhje.
Ai ka hedhur poshtë pretendimet për ndonjë ndikim rus, pasi thashethemet u përhapën nga mbështetësit e demokratëve dhe Hillary Clinton.
Komentet e Haley u përforcuan edhe nga ish zyrtarë qeveritarë nga të dyja palët, përfshirë ish-presidentin Xhorxh Ë. Bush.
"Amerika ka përjetuar një përpjekje të qëndrueshme nga një fuqi armiqësore për të ushqyer dhe shfrytëzuar ndarje në vendin tonë," tha Bush, duke folur në të njëjtën ngjarje si Haley.
"Qeveria ruse ka bërë një projekt për të kthyer amerikanët kundër njëri-tjetrit".