Irani e ka kritikuar politikën e Francës në Lindjen e Mesme, duke thënë se ajo po shkakton kriza rajonale pasi Parisi “po anon dhe është i njëanshëm”.
Kritikat e sotme nga Ministria e jashtme e Iranit u bënë një ditë pasi ministri i jashtëm franccez, Jean-Yves Le Diran, e akuzoi Teheranin për ambicje “hegjemonike” në Lindjen e Mesme.
Zëdhënësi i Ministrisë së jashtme të Iranit, Bahram Ghassemi, tha se “duket se Franca ka qasje të njëanshme në krizat në rajon dhe kjo qasje, e qëllimshme apo jo, po i kontribuon shndërrimit të krizave potenciale në kriza reale”.
Le Diran në komentet e tij në Arabinë Saudite, ku ishte për vizitë me qëllim të zgjidhjes së krizës së shkaktuar nga shpallja e papritur nga kryeministri i Libanit, Saad al-Hariri, më 4 nëntor, se po tërhiqet nga posti i tij.
Hariri e kishte bërë këtë deklaratë gjatë transmetimit nga Arabia Saudite.
Ligjvënës të Libanit thanë se zoti Hariri planifikon që nesër të ketë një takim me presidentin e Francës, Emmanuel Macron, në Paris.