SHBA-ja kritikoi sot mungesën e influencës nga Rusia ndaj aleatit sirian, ndërkohë që regjimi i Bachar al-Assad është akuzuar sërish për një sulm kimik kundër një enklave rebele pranë Damaskut.
Sipas Observatorit sirian për të Drejtat e Njeriut (OSDH), të paktën 21 raste asfiksie, duke përfshirë veçanërisht fëmijë, u njoftuan në një qytet në Gutan lindore, enklavë rebele në lindje të kryeqytetit.
Uashingtoni, i cili nuk ishte në gjendje të konfirmonte këto informacione, akuzoi rusët se po pengonin hetimet e OKB-së për këto sulme kimike të dyshuara.
“Civilë janë vrarë dhe kjo nuk është e pranueshme”, reagoi zëvendëssekretari i Shtetit, Steve Goldstein.
Javën e kaluar, sekretari i përgjithshëm i OKB-së, Antonio Guterres i kërkoi Këshillit të Sigurimit të rifillonte përpjekjet për të dënuar përgjegjësit e sulmeve kimike në Siri, pas vetos ruse në nëntor mbi vijimin e hetimeve ndërkombëtare.
