Policia italiane ka arrestuar një person të armatosur si të dyshuar për sulmin e sotëm me armë zjarri ndaj emigrantëve afrikanë në qytetin Macerata, ku mbeten të plagosur gjashtë persona.
I dyshuari është Luca Traini, 28 vjeç dhe në momentin e arrestimit kishte një flamur italian të mbështjellë rreth qafës dhe bëri një përshëndetje fashiste, raporton BBC.
Vitin e kaluar ai kishte marrë pjesë në zgjedhjet rajonale si përfaqësues i Ligës Veriore Anti-emigracion.
Ndryshe ky sulm ka ndodhur vetëm disa ditë pasi është gjetur trupi i copëtuar i një vajze italiane 18 vjeçare, në dy valixhe të fshehura afër qytetit Macerata, ku një emigrant 29 vjeçar nga Nigeria është arrestuar në lidhje me këtë vrasje.