Tensionet në rritje, komandanti i NATO-s takon homologun rus

Bota

Tensionet në rritje, komandanti i NATO-s takon homologun rus

Më: 20 prill 2018 Në ora: 06:46
Në përpjekje për të sheshuar mosmarrëveshjet, të enjten është mbajtur edhe një takim i pazakontë mes Shefit të Shtabit të përgjithshëm rus dhe komandanti suprem i NATO-s.

Vetëm pak ditë pasi Shtetet e Bashkuara të Amerikës, me ndihmën e Francës dhe Britanisë së Madhe, bombarduan Sirinë, marrëdhëniet me Rusinë mbeten ende të tendosura.

Pala ruse ishte totalisht kundër sulmit mbi Siri dhe kërcënoi me luftë, nëse aleatët do të synonin të merrnin kontrollin e Sirisë.

Në përpjekje për të sheshuar mosmarrëveshjet, të enjten është mbajtur edhe një takim i pazakontë mes Shefit të Shtabit të përgjithshëm rus dhe komandanti suprem i NATO-s.

Gjenerali amerikan Curtis Scaparrotti dhe ai rus Valery Gerasimov u takuan në Baku të Azerbaixhanit, ndërsa diskutuan se si të shmangin incidentet ushtarake që mund të çojnë në luftë.

NATO dhe Ministria ruse e Mbrojtjes bënë me dije se dy oficerët e lartë diskutuan për stërvitjet ushtarake dhe lëvizjet e trupave përkatëse, në vendet baltike dhe në lindje të Europës, që të dyja palët i konsiderojnë si kërcënuese.

commentFirst article
Sot mund të lexoni Shfletoni kopertinat