Kremlini ka shprehur pakënaqësi se hapja e ambasadës amerikane në Jerusalem do të shtojë tensionet në Lindjen e Afërt.
Zëdhënësi i Kremlinit, Dmitrij Peskov, në pyetjen e gazetarëve nëse Rusia është e brengosur se zhvendosja e ambasadës amerikane nga Tel Avivi në Jerusalem mund të rritë tensionet në rajon, është përgjigjur shkurt: "Po, kemi frikë për një gjë të tillë”, transmeton Reuters.
Selia e ambasadës së SHBA-së në Izrael do të transferohet sot në Jerusalem.
AP më herët ka bërë të ditur se ambasada do të ketë të paktën 50 punonjës.
Presidenti i Turqisë, Recep Tayyip Erdogan, serish ka kritikuar SHBA për shkak të vendimit për bartjen e ambasadës së vet në Jerusalem.
Ai ka vlerësuar se hapi i SHBA-së është ‘shpërblim’ për qeverinë izraelite dhe dënim për palestinezët.
