SHBA, sanksione Moskës për sulmin me “Novichok”

Bota

SHBA, sanksione Moskës për sulmin me “Novichok”

Më: 8 gusht 2018 Në ora: 22:26
Sergei Skripal dhe Yulia

Shtetet e Bashkuara të Amerikës do të vendosin sanksione ndaj Rusisë, pasi kanë dalë në konkluzionin se ishte pikërisht Moska, ajo që urdhëroi përdorimin e agjentit nervor “Novichok” ndaj ish-agjentit të dyfishtë rus, Sergei Skripal, dhe vajzës së tij Yulia.

Masa e fundit u njoftua këtë të mërkurë nga Departamenti amerikan i Shtetit.

Sergei dhe Yulia Skripal u gjetën në gjendje të pavetëdijshme në një stol parku, më 4 mars, në Salisbury të Anglisë. Ata u shtruan në spital në situatë kritike për jetën, por arritën të rikuperoheshin plotësisht pas disa javësh nën kujdesin e mjekëve.

“Shtetet e Bashkuara përcaktojnë se, bazuar në Aktin për Eliminimin e Konflikteve dhe Kontrollin e Armëve Kimike e Biologjike të vitit 1991 (CBW), qeveria e Federatës Ruse ka përdorur armë kimike ose biologjike në shkelje të ligjit ndërkombëtar, ose ka përdorur armë vdekjeprurëse kimike apo biologjike kundër vet shtetasve rusë”, deklaroi zëdhënësja e DASH-it, Heather Nauert.

Sanksionet e reja pritet të kenë efekt më 22 gusht ose përreth kësaj date, shtoi më tej ajo.

Sot mund të lexoni Shfletoni kopertinat