Shfaqja e një bashkimi të fortë të Spanjës pas shkarkimit të trajnerit Julen Lopetegui ishte pothuajse i mjaftueshëm për ta dominuar ndeshjen kundër Portugalisë, por goli i fundit i Cristiano Ronaldos i mori shkëlqimin performancës së shkëlqyer të treguar nga Stuhia e Kuqe.
“Ne të gjithë duhet të përshtatemi shumë shpejt në rrethanat e reja, kemi pasur shumë pak kohë para ndeshjes sonë hapëse, kështu që me të vërtetë dëshiroj të shpreh falënderimet e mia të përzemërta për angazhimin e tyre”, u tha gazetarëve Hierro, raportoi “Reuters”.
“Kjo nuk ishte një situatë e lehtë, por kur e keni këtë grup jashtëzakonisht të mirë të lojtarëve të rinj dhe stafit, këta profesionistë të shkëlqyer, ata e bëjnë jetën tuaj shumë më të lehtë”, tha ai.
“Çdo lojtar i vetëm është shumë i rëndësishëm, nga numri një në numrin 23, në sesionet e trajnimit, ndeshjet, ditën pas ndeshjeve. Ne të gjithë jemi anëtarë të së njëjtës familje”, shtoi ai.
