Ministri i Mbrojtjes i Izraelit, Avigdor Liberman, ka sugjeruar se ylli i Barcelonës, Lionel Messi, e humbi një penallti vendimtare në Kupën e Botës për shkak se Argjentina e kishte anuluar një ndeshje miqësore në momentet e fundit kundër Izraelit.
“Në ndeshjen Argjentina vs Islanda, e pamë sesi Messi kishte nevojë për ndeshjen miqësore kundër Izraelit”, shkroi Liberman në Twitter pasi Messi e humbi edhe një penallti tjetër duke bërë që Argjentina të mos arrijë më shumë se një barazim 1-1 kundër Islandën në ndeshjen e tyre hapëse në Grupin D në Kupën e Botës në Rusi.
Messi dështoi t’i japë ekipit të tj kombëtar epërsinë në minutën e 64-të, pasi goditja e tij nga penalltia u ndalë nga Hannes Halldorsson. Portieri islandez u hodh në të djathtë dhe i vuri të dy duart para topit duke mos e lejuar atë të përfundonte në rrjetë.
Argjentina u detyruar nga anulojë miqësoren kundër Izraelit pas protestave të tensionuara dhe kërcënimeve nga palestinezët pasi Izraeli kishte vendosur ta zhvendoste takimin në Jerusalem.
