Ndeshja që zhvillohet sonte mes Zvicrës dhe Serbisë në Rusi, ka bërë bujë të madhe në të gjitha mediat e huaja, e veçanërisht në ato serbe.
Dje fshati Zhegër i komunës së Gjilanit, vendlindja e Xherdan Shaqirit, kishte vënë shumë flamuj në rrugët e fshatit, si shenjë përkrahje për Shaqirin.
Për këtë, sot një media e njohur serbe, ka reaguar duke e quajtur provokim të ashpër të shqiptarëve të Zhegrës, dhe e quajnë të turpshme këtë gjest.
“Banorët e fshatit Zhegër, që ndodhen pranë Gjilanit në Kosovë, po i provokojnë serbët në një mënyrë të turpshme përpara ndeshjes me Zvicrën.
Gjatë gjithë fshatit që nga mëngjesi, flamurët e Zvicrës janë vendosur në çdo barakë në fshat, flamuri i rivalëve të sotëm të Serbisë”, ka shkruar media serbe.
