Fotografët profesionist botëror, gjegjësisht fotografi Dan Mullan i prestigjiozes The Guardian, në kamerën e tij ka kapur një moment të hatashëm të Shaqirit në momentin final, kur përmbysë rezultatin e Serbisë e cila avancoi që nga minuta e 5 e takimit.
Kjo foto është momenti kur pas një depërtimi vetjak që nga mesi i fushën Xherdan Shaqiri, në mënyrë mjeshtërore futë në kurth mbrojtësin dhe portierin serbë.
Përveç kësaj fotoje, prestigjiozja britanike The Guardian, pas fitores së Zvicrës ku vendimtare ishte loja dhe golat e kosovarëve që luajnë dhe jetojnë atje, ka shkruar për mënyrën e festimit të Xhakës dhe Shaqirit.
Po ashtu në shkrimin për lojën në fjalë flitet edhe për jetën e familjeve të Xhakës dhe Shaqirit, duke u ndërlidhur me rrethanat politike që kishin shtyrë familjet e tyre të migrojnë nga Kosova në Zvicër.