Një tifoz anglez ka mbajtur premtimin e bërë para nisjes së Kampionatit Botëror.
Anglezët nuk kanë qenë optimistë se kjo skuadër e tyre do t’ia dilte të kualifikohej në çerekfinale, para fillimit të Botërorit.
Por paraqitjet e mira në fazën e grupeve dhe fitorja pas penalltive ndaj Kolumbisë i kanë shtuar apetitet e tyre për të fituar në tërësi Botërorin.
Dan Welch kishte premtuar se nëse kjo skuadër do të arrinte të kalonte tutje, ai do të bënte tatuazh emrat e 23 futbollistëve që janë të ftuar në Botëror.
Dhe fitorja ndaj Kolumbisë e ka “detyruar” tifozin që ta mbajë premtimin e bërë, ku ai ka shkruar në trupin e tij emrat e gjithë skuadrës.
Ai e ka postuar në Twitter fotografinë, ku shihet edhe tatuazhi, i cili ka thënë se po i pëlqen shumë tatuazhi.