Rooney: Vërtet po kënaqem

Wayne Rooney, sulmues i Manchester Unitedit, po kalon formën më të mirë të mundshme të tij. Ai në çdo ndeshje shënon gola dhe është futbollisti që vendosë edhe ndeshjen për skuadrën e “Djajve të kuq”. Ai shënoi gol edhe në ndeshjen e fundit kundër skuadrës së Portmsouthit. Rooney deri me tash ka shënuar 21 gola dhe është shënuesi më i mirë në premierligë. Shpejtësia, saktësia dhe veprimet dinake të tij janë arma më e mirë që i sjellin shënimin e golave. Sulmuesi i spikatur ndihet shumë i lumtur që futbolli i sjellë kënaqësi dhe madje që i kënaq edhe adhuruesit me golat e tij secili më i bukur se tjetri. Futbollisti Rooney ka thënë se është në formë më të mirë të tij në karrierën e tij dhe beson se ky ritëm i golave dhe formës së lartë do të vazhdojë deri në fund të kampionatit. “Mbase po luaj në formën më të mirë të karrierës time. Por po ashtu vërtet po kënaqem në futboll, pasi po shkon mirë edhe për mua e edhe për skuadrën. Shpresoj se mund të kryej punën në ballë të golit edhe për pjesën e mbetur të kampionatit. Vërtet nuk kam vendosur ndonjë cak, vetëm dua të përpiqem dhe të shënoj kur luaj. Nëse ia dal do të jetë mrekulli, por nëse jo, shpresoj skuadra të fitojë”, tha Rooney. Manchester Unitedi kampion në fuqi, me 56 pikë renditet në vendin e dytë të tabelës së klasifikimit, duke mbetur dy pikë më pak se lideri, Chelsea. Rooney shpreson se do të mbrojnë titullin e kampionit, duke pasur parasysh lojën që e dëshmojnë dhe kapacitetin e futbollistëve që ka Manchester Unitedi.

Kthehu | 08.02.2010