Gostivar: Hapen zyrat rajonale në Çegran, Vërtok dhe Sërmnovë

Në një solemnitet rasti, kryetari i Këshillit të Komunës, Fadil Zendeli dhe sekretari i komunës Naxhi Xhelili të shoqëruar nga nëpunës në administratën komunale, bënë përurimin e tri zyrave rajonale që do të funksionojnë në kuadër të Qendrës për shërbime komunale. Qëllimi i hapjes së këtyre zyrave të disperzuara, është që Komuna e Gostivarit të jetë sa më afër qytetarëve të këtyre zonave dhe ata t’u shmangen harxhimeve të panevojshme dhe humbjes së kohës, për të plotësuar nevojat e tyre elementare për sa i përket administratës komunale. Qytetarët e këtyre zonave e mirëpritën këtë hap të komunës së Gostivarit.Zyrat rajonale në Çegran, Vërtok dhe Sërmnovë do të pranojnë palë çdo ditë pune prej në orën 10:00 deri në orën 14:00. Këto zyra do t’i ofrojnë shërbimet që i ofron Qendra komunale: pranimin e kërkesave që i drejtohen organeve të Komunës, propozimeve, sugjerimeve, ankesave etj.

Kthehu | 08.02.2010