Përfaqësues të komunës së Preshevës vizituan sot komunën e Gostivarit

Të hënën kryetari i komunës së Gostivarit,Rufi Osmani ka pritur për vizitë kryetarin e komunës së Preshevës,Ragmi Mustafa dhe kryetarin e këshillit komunal të Preshevës,Skender Destani.Qëllimi kryesor i vizitës ishte përcjellja e ngushllimeve nga Presheva për komunën e Gostivarit dhe familjarëve të të ndjerit Mahir Jakupi nga fshati Forinë,i cili u gjet i vrarë në afërsi të Preshevës.Mustafa dhe Destani shprehën ngushllimet në emër të gjithë banorëve të komunës së Presheves për vrasjen tragjike të Mahir Jakupit dhe theksuan se kjo paraqet një akt jonjerëzor dhe presin që organet kompetente të dënojnë të dyshuarin për vrasjen e kryer.Në takim u bisedua edhe për thellimin e bashkëpunimit mes dy komunave si dhe për sfidat dhe këmbimin e përvojave në lëmi të ndryshme. Mes tjerash Mustafa theksoi idenë e bashkëpunimit në sferat e kulturës, arsimit si dhe organizimin e një vizite nga administrata e komunës së Gostivarit në komunën e Preshevës.Pas përfundimit të takimit, dy përfaqësuesit e komunës së Preshevës, të shoqëruar nga sekretari Naxhi Xhelili u nisën për në fshatin Forinë për të shprehur ngushllimet familjarëve të të ndjerit Mahir Jakupi.

Kthehu | 15.03.2010