Një tërmet i fuqishëm tronditë Zelandën e Re

Qyteti Christchurch në Zelandën e Re ka pësuar tronditjen më të madhe që kur u godit nga një tërmet i fuqishëm gjatë vikendit.

Tërmeti 5.1 shkallë të Rihterit shkaktoi ndërprerjen e energjisë, dëmtimin e mëtejshëm të ndërtesave dhe i largoi në rrugë banorët e frikësuar.

Gjendja e jashtëzakonshme, e cila duhej të përfundonte të mërkurën, është zgjatur edhe për një javë.

Kryetari i qytetit, Bob Parker ka apeluar për qetësi dhe u ka bërë thirrje banorëve të shman...

Më shumë 08.09.2010 |

Përmbytjet marrin 11 jetë në Meksikë

Përmbytjet në juglindje të Meksikës kanë marrë 11 jetë, ndërsa mbi gjysmë milionë njerëz kanë mbetur pa strehë mbi kokë.

Më së rëndi janë goditur katër shtete meksikane – Oahaka, Tabasko, Chiapas dhe Verakrus, kanë raportuar agjencitë.

Disa mijëra njerëz kanë mbetur të pastrehë, pas përmbytjeve të shtëpive dhe tani flenë nën qiell të hapur.

Meteorologët kanë deklaruar se në rajon ka rënë dy herë më shumë shi se zakonisht për këtë kohë të vitit.

08.09.2010 |

Obama përpiqet të bindë amerikanët për planin e tij ekonomik

Presidenti amerikan Barak Obama shkon sot në Cleveland të shtetit Ohajo ku do të shpalosë planin e tij të fundit për të ndihmuar ekonominë. Obama po punon për të ndryshuar problemet me popullaritetin e partisë së tij. Por kjo është një detyrë e vështirë, vetëm tetë javë para zgjedhjeve për në kongres. Shtëpia e bardhë shpreson se një seri nismash për shkurtimin e taksave dhe shpenzime të reja do të arrijnë synimin.

Të mërkurën në mbrëmje, në Cleveland, është raundi i dytë i betejës e...

Më shumë 08.09.2010 |

Irak: Vritet gazetari i dytë brenda 2 ditëve

Policia irakiane thotë se dy persona të armatosur vranë një gazetar të televizionit irakian, gazetari i dytë që vritet në këtë vend gjatë dy ditëve të fundit. Policia tha se persona të armatosur e qëlluan gazetarin pranë shtëpitë së tij në qytetin verior të Mosulit, kur po shkonte në punë.

Të martën u vra një tjetër gazetar i njohur i televizionit, Riad al-Sarai, ndërsa po shkonte me makinë në Bagdadin perëndimor. Grupe të lirisë së shtypit thonë se në Irak, që nga viti 2003 janë vra...

Më shumë 08.09.2010 |

SHBA shprehin keqardhje për arrestimin e aktivistit rus

Nënsekretari amerikan për çështje politike, Uiliam Burns, ka shprehur keqardhje për burgosjen e aktivistit të njohur për të drejtat e njeriut në Rusi, Lev Ponomarjev.

Aktivisti u dënua me katër ditë burg për shkak se nuk i ishte bindur një urdhëri të policisë në protestat në 12 gusht.

Ponomarjev dhe disa aktivistë të tjerë për të drejtat e njeriut, sot duhej të takoheshin me nënsekretarin Burns, dhe me Majkëll MekFoll, këshilltar për Rusinë i presidentit Barak Obama.

08.09.2010 |

Moldavi: Parlamenti para shpërndarjes

Ushtruesi i detyrës së presidentit në Moldavi, Mihai Gimpu, tha se do të lëshojë një dekret për shpërndarjen e parlamentit dhe për zgjedhje të parakohshme.

Gimpu tha se i ka kërkuar pëlqimin formal Gjykatës Kushtetuese, të cilin, siç tha e pret deri në 14 shtator.

Komentet e tij u bënë pak ditë pasi dështoi referendumi për zgjedhjen e drejtpërdrejtë të presidentit nga votuesit, për shkak të numrit të pamjaftueshëm të qytetarëve që dolën në votime.

08.09.2010 |

Vëllai i Karzait ka përfituar nga banka e Kabulit

Vëllai i presidentit të Afganistanit, Hamid Karzai thotë se ka fituar të paktën 800 mijë dollarë duke blerë dhe pastaj duke shitur vila në Dubai, me paratë e huazuara nga banka e Kabulit.

Mahmud Karzai i tha agjencisë AP se kishte blerë një shtëpi luksoze në korrik 2007 për ta fituar lejen e qëndrimit në Dubai.

Mahmud Karzai është akcioneri i tretë më i madh në ‘Kabul Bank’, e cila përballet me krizë pas kërkesës së shtuar të klientëve për tërheqjen e parave.

Sot...

Më shumë 08.09.2010 |

BP: Përgjegjësia për katastrofën bie edhe mbi kompani të tjera

Gjiganti britanik i naftës, BP, thotë se për katastrofën në Gjirin e Meksikës janë përgjegjëse një numër kompanish dhe ekipesh pune.

Në një raport të brendshëm të kompanisë, të bërë publik të mërkurën, BP thotë se aksidenti ishte rezultat i një serie problemesh mekanike, gabimesh në gjykim nga personeli dhe të metash në projektin inxhinierik. Shefi i mëparshëm ekzekutiv i BP-së, Tony Hayward thotë se kompania, si dhe partnerët e saj Halliburton dhe Transocean ishin të përfshira në kë...

Më shumë 08.09.2010 |

Sarkozi nuk heq dorë rreth moshës së pensionit

Presidenti francez, Nikola Sarkozi, nuk ka pranuar të heqë dorë nga planet për të rritur moshën e pensionit nga 60 në 62. Sipas planit të Sarkozisë, mosha e pensionit duhet të rritet gradualisht deri në vitin 2018 në 62 vjeç.

Kundër planeve të presidentit francez të martën, sipas burimeve policore, dolën në rrugë mbi 1 milionë njerëz, por 2.5 milionë protestues ishin shifrat e dhëna nga sindikatat.

08.09.2010 |

Bleri anulon paraqitjen në Londër

Ish kryeministri britanik Toni Bler ka pezulluar aktivitetin promovues të librit të tij të paraparë për pasditen e sotme në Londër. Vendimi erdhi pas drojës se takimi mund të ndërpritej nga protestuesit e dhunshëm.

Libri i Blerit " A Journey" është një mbrojtje e fortë e politikave të tij në krye të ekzekutivit britanik, përfshi dhe vendimin për ndërhyrjen ushtarake në Irak. Ky vendim nuk ka pasur asnjëherë mbështetjen e shumicës së opinionit britanik.

08.09.2010 |

Honduras: Vriten 18 vetë në fabrikë

Persona të armatosur me pushkë kanë hyrë në një fabrikë të këpucëve në Honduras dhe kanë hapur zjarr, duke vrarë 18 njerëz.

Zëdhënësi i policisë Leonel Sauceda e quajti "masakër" sulmin që ndodhi në qytetin verior San Pedro Sula.

Një zyrtar i lartë i policisë së shtetit tha se sulmi është rezultat i përpplasjeve të bandave të drogës.

08.09.2010 |

Vritet gjykatësi në Kaukazin verior

Një gjykatës federal rus është qëlluar për vdekje në Kaukazin verior, në republikën Kabardino-Balkaria.

Gjykatësi është vrarë teksa me makinën e tij po udhëtonte në shtëpi.

Viktima Xhulber Bjakov kishte qenë polic para se të bëhej gjykatës

Dhuna në Kaukazin verior kohëve të fundit është në rritje.

08.09.2010 |

Vatikani dënon planin për djegjen e Kuranit

Plani për djegjen masive të Kuranit në shtetin amerikan të Floridës do të ishte "veprim revoltues dhe i rëndë", tha sot Këshilli i Pontifikatit për Dialog Ndërmjet Religjioneve.

"Aktet e dënueshme të dhunës, nuk mund të kundërpërgjigjen me veprime revoltuese dhe të rënda kundër një libri, i cili konsiderohet i shenjtë nga një komunitet fetar. Çdo religjion, me librat e vet të shenjta, me vendet e adhurimit dhe me simbolet, ka të drejtë të respektohet dhe mbrohet", thuhet në deklarat...

Më shumë 08.09.2010 |

Kabul: Policia rrah klientët e bankës

Forcat e sigurisë në Afganistan sot përdorën forcë fizike për ta qetësuar turrmën e rreth 200 njerëzve që pritnin para një banke në Kabul për t'i tërhequr paratë e tyre.

Pas raporteve të disa mediave amerikane se në bankë janë bërë manipulime financiare, klientët nxituan t'i tërheqin mjetet, megjithëse autoritetet kanë garantuar se kursimet e tyre në njërën nga bankat më të madha private janë të sigurta.

08.09.2010 |

Rusi: Banda të rinjsh sulmojnë konsumuesit e birrës

Një bandë e të rinjve ka filluar t'i sulmojë rusët që konsumojnë birrë në rrugët e qytetit Rostov në Don.

Zëdhënësi i policisë lokale Dmitri Loginov i tha agjencisë AFP se sulmuesit me maska në fytyrë janë të moshës 14 deri 18 vjeç.

Raportohet se banda i ka sulmuar disa persona që pinin birrë në parqet e qytetit.

Identiteti i këtyre 'ligjvënësve' misteriozë mbetet i paqartë, megjithëse në të kaluarën, grupet ultranacionaliste në Rusi i kanë sulmuar pijanecët me p...

Më shumë 08.09.2010 |

Teheran: Shtyhet dënimi me vdekje i Sakine Ashtianit

Autoritetet e Iranit e kanë shtyrë dënimin me vdekje me gurë ndaj Sakine Ashtianit, e cila është dënuar për tradhëti bashkëshortore, tha ministria e jashtme në Teheran.

"Verdikti për çështjet jashtëmartesore është pezulluar dhe ai po rishikohet", e transmeton Reuiters zëdhënësin e ministrisë së jashtme, Ramin Mehmanparast.

Rasti i saj ka nxitur zemërim në botë dhe i ka acaruar më tej raportet ndërmjet Iranit dhe Perëndimit.

08.09.2010 |

Kabul: Vritet një ushtar i NATO-s

Gjatë luftimeve me militantët është vrarë sot një ushtar i NATO-s, njofton ISAF, misioni i Aleancës në Afganistan.

Kjo e çon në mbi 500 numrin e ushtarëve ndërkombëtarë të vrarë në Afganistan gjatë vitit 2010. Numri i vdekjeve në mesin e ushtarëve ka njohur rritje të ndjeshme gjatë muajve të fundit.

08.09.2010 |

Gjermanisë i duhen më shumë studentë të huaj

Ministrja e Arsimit Annette Schavan dhe udhëheqësi i zyrës së Organizatës për Bashkëpunim dhe Zhvillim Ekonomik (OECD) në Berlin, Heino von Meyer, ishin të martën (07.09.'10) të një mendimi: të investosh në arsim ia vlen. Por sa i përket angazhimit të Gjermanisë në këtë drejtim, mendimet janë të ndara. Von Meyer pohon se në Gjermani ka shumë pak studentë, sepse vetëm 40 për qind e nxënësve që kanë përfunduar shkollat vazhdojnë studimet. Ndërkohë që mesatarja në 31 vendet tjera anëtare të OECD...

Më shumë 08.09.2010 |