Festivali Ndërkombëtar i Rinisë në Ankara datë 13-20 Maj, Stamboll datë 10-18 Korrik 2010

Klubi i Rinisë FOMGED në bashkëpunim me Drejtorinë e Përgjithshme të Sportit dhe të Rinisë të Republikës së Turqisë do të organizojë më 13-20 Maj 2010 Festivalin Ndërkombëtar të Rinisë në Ankara dhe në datë 10-18 Korrik 2010 Festivalin Ndërkombëtar të Rinisë në Stamboll. Grupet e reja që dëshirojnë të marrin pjesë në këto festivale mund të aplikojnë në dy kategori të ndryshme:

Kategoria A

Valle popullore, Kërcim modern, Muzikë, “Street Performer”, Banda dhe Grupe harmonike.

Kategoria B

Grupe të Performancave Tradicionale si dhe grupe Sociale Kulturore dhe Sportive (Pikturë, Tekstile, Qeramikë, Qelq, Qilima, Skulpturë, Punime druri, Fotografi, Tenis, Lojëra magjie, Akrobaci, Pantomimë, Karikaturë, Grafite, Gatim të ushqimit tradicional, Punime dore…).Këto Festivale janë të hapura për të rinj dhe të reja të moshës 15-26 vjeç. Pjesëmarrësit do të akomodohen në hotele me të paktën tre yje. Komiteti organizator do të përballojë shpenzimet e fjetjes, ushqimit dhe të transportit brenda qytetit gjatë javës së festivalit. Kërkesat do të bëhen drejtpërdrejt në zyrën e FOMGED-it deri më datë 30 mars 2010.

Kthehu | 08.02.2010