Lerman spajdermeni i ri?

Aktori hollivudian Logan Lerman është konsideruar si favorite kryesor për të marr përsipër rolin e aktorit Tobi Meguajer në filmin më të ri të Spajdermenit, i cili pritet që së shpejti të nis realizimet. Ylli i ri i filmit aktual “Perci Xhekson and Olympians: The Lightning Thief”, ka prononcuar për mediat se është duke biseduar për të luajtur rolin e super heroit Piter Parker në filmin Spajdermen.

“Kam realizuar disa bisedime më regjisorët dhe ekipin tjetër të filmit në fjalë dhe sigurisht që priten shumë risi në këtë drejtim, pasi që un mund të jem në rolin e Parker në pjesën e re të Spajdermenit” është shprehur Lerman në një nga televizionet amerikane.

“Do më pëlqente shumë që të luaja në këtë film dhe përfundimisht mund të them se jam shumë i interesuar, që të marr pjesë” ka përfuanduar ai.

Realizimi i një pjese të re ka lindur si ide kur Meguajër dhe regjisori i “Spajdermen-4” Sam Raimi dha dorëheqje nga projekti muajin e kaluar.

Kthehu | 06.02.2010