Dy fjalë nga mërgata - Bota Sot
Dy fjalë nga mërgata

Diaspora

E enjte, 28 korrik 2016

Dy fjalë nga mërgata

Nga: Miradije Gashi Më: 18 tetor 2012 Në ora: 19:18

Sado të flasësh e të shkruash për mërgatën shqiptare të plotë se jep dot asnjë shkrim e asnjë diskutim, pasi te çdo e thënë të mbetet diçka e pathënë, te çdo e shkruar të mbetet diçka e pashkruar dhe nuk mundemi kurrë ti përfshijmë të gjitha peripecitë e jetës ndërmjet të kaluarës dhe të tashmes me shpresë për të ardhmen. Kur kujtojmë historinë e mërgatës sonë mbushur plot mall e vuajtje, plot dhimbje e zhgënjim është e pamundshme për t’ia gjetur një përgjigje nga ndarjet tragjike që pat brezi të cilin fati e përplasi politikisht nëpër skaje të historisë së shekullit që lamë pas. Jeta shpirtërore e mërgimtareve tanë është tortura plot dhembje, është drama e emigracionit masiv që ata kaluan përtej vatrës, përtej atdheut, për të hyrë në mes të vetmisë e mallëngjimit. Mërgimtaret shqiptarë shumica prej tyre kanë lënë përgjysmë punët, mësimet, studimet dhe janë detyruar të gjejnë strehim në ndonjë vend perëndimor ku përherë do kanë preokupim barrën e dheut t’huaj, kulturën e huaj e shumë faktorë që rëndojnë mbi jetën e kurbetit si: nostalgji e mall për Atdhe, për vendlindje, për familje e që vështirë mundë të kuptohet nga këndi i atyre që nuk e kanë provuar një gjë tillë. Shqiptarët një pjesë e tyre edhe pse fati i degdisi larg atdheut, gjithnjë i qëndruan afër përkatësisë se tyre, afër mitit të të parëve e tokës stërgjyshore, kurrë nuk u verbëruan për t’marrë traditat e të huajit por gjithmonë në çdo fjalë e në çdo shkronjë për sot e mot në zemër kanë atdheun e shtetin e bashkuar. Ndjejmë gëzim dhe jemi krenar si asnjë here më parë, se çasti suprem i ëndrrës që do të bëhet realitet për popullin tonë po troket, Nëntori po ofron dhe më mbanë shpresa që do të jemi të ndërgjegjshëm për rëndësinë e këtij kapitulli shumë të lartë. Triumfi i këtij përvjetori do të jetë i shquar për trojet tona duke i kthyer të gjithë shqiptarët në gjeneratorë të bashkimit. Atdheu ynë është i shenjtë dhe të shenjtë janë t’gjithë ata dëshmorë që ndryshuan fatin e vendit duke hapur rrugë dhe dyer të reja ne kapitullin më të ri të historisë se kombit. Sot duke e kujtuar të kaluarën, e kujtojmë me madhështi figurën trimërore të Heroit Kombëtar Gjergj Kastriot Skënderbeun, i cili ushqeu qëndresën e mbarë popullit shqiptarë, nën udhëheqjen e këtij kryetrimi me famë botërore, shqiptarët penguan vërshimin e hordhive osmane. Pastaj kjo ide vazhdoi mbi supet dhe ndjenjat atdhetare të plakut të mençur Ismail Qemali, kur burri i kombit firmosë aktin historik më 28 nëntor 1912, në qytetin e Vlorës duke e sjellur kurorëzimin e formimit te shtetit të parë shqiptar. Dëshiroj të theksoj se ky vit duhet të jetë për të gjithë shqiptarët vit shërimi e frymëzimi, vit shprese e bashkimi. Asnjë parti, asnjë njeri nuk ka mundur të bëjë gjë më të madhe për idealin që ka ndierë për popullin e vet se sa lufta UÇK-së, e cila i dha fund pushtimit mbi njëqindvjeçar, këta njerëz janë kontribuuesit më të rëndësishëm të popullit, vepra e tyre shëmbëlleu ne aktet më të lavdishme çlirimtare, duke kujtuar sakrificën e tyre shpalosë e sheh vlerat e lavdisë nga burrat e dheut si Adem Jashari, Zahir Pajaziti, Agim Ramadani, Sali Çekaj e shumë të tjerë, të cilët në përballje me armikun ndërtuan këtë epokë të krenarisë kombëtare. LAVDI!

Komentet
comments powered by Disqus
Sot mund të lexoni Shfletoni kopertinat
Sondazh Çfarë tenton të arrijë Thaçi me përuljen që bëri para lapidarit të serbëve në Grackë të Lipjanit?

    Kërkon të “blejë" paqe me Serbinë

    Të heqë akuzat që janë përfolur ndaj tij

    Të mohoj gjenocidin serbë në Kosovë

    Të duket i mirë para ndërkombëtarëve

    Shiko rezultatet
test