Policia finlandeze ka arritur të sekuestrojë rreth tetë kilogram kokainë, 16 kg amphetaminë dhe mathamphetamine, si dhe para të gatshme nga bastisjet në vendin Vantaa Lansimoki (shih foto). Vlera e saj e përgjithshme në tregun e zi shkon deri në 2 milion euro, shkruan media e këtij vendi mtv.fi.
Bëhet fjalë për një bandë kryesisht shqiptare, ndërsa nga policia finlandeze është cilësuar si një ndër sukseset më të mëdha në luftën kundër narko-trafikantëve. Prokuroria ka dhënë masën e arrestit për pesë persona, ndërsa dy të tjerë janë dënuar në mungesë. Krahas shqiptarëve janë arrestuar edhe marokenë dhe irakenë./Bota sot