Dy shtetasit shqiptarë M.S. (38 vjeç) dhe M.F. (35) janë dënuar secili me gjashtë vjet heqje lirie nga gjykatësi i Bozenit (Tiroli Jugor) Emilio Schönsberg, këtë të mërkurë, shkruan suedtirolnews.it. Ata u shpallën të fajshëm për trafikimin e kokainës, vepër e kryer në dhjetor 2016.
Dyshja kishte trafikuar drogën përmes mikut të tyre, A.F. (42), që gjatë arrestimit kishte pranë në veturë edhe vajzën tetëvjeçare. 42 vjeçari prej atëherë qëndron në arrest shtëpiak, përcjell botasot.info. Përmes tij u zbulua rrjeti shqiptar i kokainës, që deri tani u janë sekuestruar drogë me vlerë deri në një milion euro.
38 vjeçari dhe 35 vjeçari janë dërguar në burg./Bota sot
