Statistik Austria ka bërë të ditur se gjatë tremujorit të parë 2017 pasaportën austriake e kanë marrë 2422 shtetas të huaj, prej të cilëve 21 me qëndrim jashtë vendit alpik, shkruan krone.at. Ky numër është për 16.1 përqind më shumë sesa periudhën e njëjtë të vitit të kaluar, kur kishte vetëm 2086 natyralizime. Ky shtim përbën vazhdimësi në trendin e regjistruar nga viti 2011 e këndej të rritjes së numrit të natyralizimeve, përcjell botasot.info.
Pak më shumë se një e treta e të natyralizuarve kanë lindur në Austri: 36.7 përqind ose 889.
Në lidhje me kombësitë që kanë fituar më shumë pasaportën austriake në vendin e parë janë boshnjakët 368 persona, ndjekur nga turqit 223 dhe banorët e Kosovës 166. Serbët janë në vendin e katër me 159 natyralizime./Bota sot
