Drejtori i Departamentit për Diasporën në Aleancën për Ardhmërinë e Kosovës, Jahja Lluka, ka thënë se edhe këtë herë Komisionin Qendror të Zgjedhjeve, zgjedhjet e kanë zënë të pa pagatitur teknikisht, duke pamundësuar ofrimin e shërbimeve të lehta të votimit dhe pa shumë procedura për qytetarët e Republikës së Kosovës që jetojnë jashtë vendit.
Lluka në një intervistë për Kp, bënë thirrje që mërgimtarët të cilët kanë mundësi të vijnë dhe të votojnë në Kosovë, në mënyrë që të shfrytëzojnë të drejtën e tyre kushtetuese për të votuar.
Lluka: KQZ-ja edhe këtë herë me probleme teknike
“Këtë vit ka probleme shumë të mëdha për arsye se janë zgjedhjet e parakohshme dhe KQZ-në e kanë zënë krejtësisht të pa përgatitur kisha me thënë edhe teknikisht për arsye se numri shumë i madh i shqiptarëve të cilët e kanë të drejtën kushtetuese për me votuar, nuk kanë pasur mundësi të aplikojnë. Ne tani po kërkojmë edhe po i thërrasim mërgimtarët tanë, ata që kanë mundësi të vijnë ta shfrytëzojnë të drejtën e vet në Kosovën. Të votojnë për një ndryshim i cili i do t’iu sjell edhe atyre shumë të mira, për çka deri tani mërgimtarët janë lënë anash”, tha Lluka.
Ai tha se do të ishte mirë që KQZ dhe Ministria e Diasporës të krijoni listën për shqiptarët që jetojnë jashtë vendit.
Lluka: Ministria e Diasporës duhet të krijoj listat e votuesve jashtë vendit
“KQZ-ja dhe Ministria e Diasporës, me siguri që duhet ta krijojnë listën e votuesve dhe nuk ka nevojë që mërgimtarët tonë në çdo palë zgjedhje të aplikojnë edhe të kalojnë nëpër procedura administrative të cilat janë nganjëherë shumë të lodhshme. Është e pajustifikueshme p.sh KQZ-ja ta ketë vetëm një numër të faksit. I cili edhe e ka prefiksin po e quaj kushtimisht serb dhe ku qytetarët e Kosovës të cilët jetojnë në Serbi e kanë pasur mundësinë të aplikojnë njëjtë. Bllokimi i faksit për shkak se ai që thërret nga regjioni e Serbisë e ka më të lehtë ta merr dhe kështu, shumë mërgimtarë nuk kanë pasur shanse të marrin dhe të fusin aplikacionet e tyre”, tha Lluka.
Ai thotë se është e pajustifikueshme si mund mos të ketë listë të votuesve për mergimtarët. Sipas tij, në vit mërgimtarët i sjellin mbi 700 milionë euro remitanca në vend dhe ato para nuk investohen në punësim. Lluka premton se me ardhjen në pushtet të nominuarit nga AAK-ja, Ramush Hardinaj, këto mjete do të destinohen për krijon e vendeve të reja të punës.
Lluka: Mbi 700 milionë euro në vit i kemi nga remitancat
“Procedurat administrative janë shumë të lodhshme dhe shumë mërgimtarë janë mbet jashtë. Prandaj edhe ne po ftojmë që të vijnë të votojnë dhe së bashku të jemi në fitore të re të kryeministrit Haradinaj i cili garanton që mërgimtarët tanë do të jenë pjesë e denjë e Kosovës, dhe nuk do të kenë taksa të pa nevojë dhe pritje të gjata në kufijë të cilat shpesh herë kalojnë çdo gjë të normales. Ne me siguri me ardhjen e kryeministrit Haradinaj në Qeveri, mërgimtari do të ketë mundësi që remitancat e veta t’i kanalizoj në investime, në hapjen e vendeve të reja të punës për këtë rini të mrekullueshme, për arsye se deri më tani, të gjitha dërgesat që janë zyrtarisht mbi 700 milionë e me siguri edhe aq janë që vijnë nëpër kanale të tjera nuk kanalizohen dhe nuk participin Qeveria në investime, në hapjen e vendeve të reja të punës, por krejt asnjë për shpenzime të familjarëve të cilët asnjë këtu“ , tha Lluka.
Ai tha se i ka kontaktuar personalisht zyrtarët e KQZ-së që merren me çështjen e pranimit të aplikacioneve dhe thotë se punojnë në kushte katastrofale.
Lluka: KQZ duhet t’u krijoj kushte punonjësve të saj
“Unë i përgëzoj ata të rijnë të cilët kanë punuar në pranimin e këtyre, por kushtet për punë janë katastrofale. KQZ-ja duhet të krijoj kushte më të mira po nuk është vetëm faji i KQZ-së po është edhe institucioneve të Kosovës që nuk është krijuar lista e votuesve sikurse në çdo vend të botës, dhe unë nuk e di për çka ne i kemi krijuar ambasadat, konsultat, me qendrat kulturore ku mërgimtarët tanë kishin pasur mundësi me votua si çdo qytetarë tjetër me letërnjoftim apo pasaportë. “, tha Lluka.
Fatkeqësisht sipas tij, Ministria e Diasporës me gjithë përpjekjet që i ka bërë nuk ka mundur me kryer regjistrimin e mërgimtarëve.
Lluka: Mbi 1 milion shqiptarë jetojnë jashtë
“Kjo është shtyre çdo vit. Sipas disa të dhënave të cilat ne i kemi, mbi 1 milion shqiptaret janë nëpër botë. Ne tani duhet t’i shfrytëzojmë kushtimisht po e them t’i shfrytëzojmë mërgimtarët për të mirën e Kosovës dhe ata çdoherë sa herë atdheu ka pasur nevojë e kanë dhënë kontributin e vet me ndihma me gjëra të tjera edh një pjesë e tyre edhe në luftën e fundit e kanë dhënë edhe jetën për lirin ë e Kosovës. Gjënë më të shtrenjtë, tani ata e meritojnë që të trajtohen ashtu siç na ka hije neve dhe institucioneve të Kosovës”, tha Lluka.
Ai në fund ka thënë se AAK-ja, ka kërkuar shpesh që mërgata shqiptare të ketë vende të rezervuara në Parlamentin e Kosovës dhe zëri i diasporës shqiptare të jetë prezent çdoherë në institucionet tona.
