Një aksident tragjik i ka marrë jetën një shqiptari dje në Londër. Aksidenti fatal ka ndodhur rreth orës 06:00, ku 30-vjeçari Ardian Zagani është përplasur nga një furgon “Ford Transit” teksa shkonte për në punë.
I riu po udhëtonte me biçikletë për të shkuar në punë. Ai ishte pjesë e stafit në Kolegjin Haringey, ku punonte si kujdestar.
Një pasagjer që ndodhej në furgonin që e përplasi, u mundua ta ndihmonte, por pak minuta më vonë shqiptari ndërroi jetë në vendngjarje. Policia arrestoi drejtuesen femër të furgonit, e cila do të merret në pyetje.