Si të eleminoni celulitin me uthull molle dhe mjaltë

Dieta

Si të eleminoni celulitin me uthull molle dhe mjaltë

Më: 29 prill 2017 Në ora: 08:41
Ilustrim

Fotot e fundit të Kim Kardashian, që shfaqet në plazhet e Meksikës me gropëza të mëdha celuliti në gjithë trupin, janë diskutuar shumë këto ditët e fundit. Kanë qenë pikërisht femrat të cilat janë shprehur të habitura dhe aspak të kënaqura nga pamja e saj. Me siguri shumë prej tyre kanë vajtur menjëherë para pasqyrës për të parë nëse kanë edhe ato celulit në trupat e tyre. Le të tregohemi të sinqertë, pothuajse të gjitha femrat kanë celulit.

Shtatzënia, çrregullimet hormonale dhe luhatjet në peshë janë disa prej shkaqeve kryesore që çojnë në shfaqjen e celulitit dhe nuk ka asgjë për t'u turpëruar. Celuliti është një ind dhjamor që shfaqet nën lëkurë si pasojë e kontraktimit të indeve lidhëse të muskujve. Ai njihet ndryshe si lëkura e portokallit dhe është një problem estetik që prek shumë femra. Trajtimet në qendra jo gjithmonë janë të efektshme, plus që kushtojnë shumë. 

Përbërësit: 4 lugë gjelle uthull molle, 1 gotë me ujë të vakët (200 ml), 2 lugë gjelle mjaltë dhe dy tufa me hithra.
Në një enë shtoni fillimisht mjaltin dhe punojeni me lugë derisa të vini re që po përpunohet pak, shtoni më pas uthullën e mollës dhe 2 lugë gjelle ujë. Përziejini vazhdimisht derisa masa të jetë bërë kompakte. Merrni hithrat dhe grijini imët. Përdorni doreza që të mos ju djegin duart dhe vendosini në blender.

Pasi të jenë bërë lëng bashkojeni me kremin e përftuar dhe fërkoni zonat ku keni më shumë celulit. Lëkura duhet të jetë e njomur paraprakisht me uthull molle. Në pamundësi për ta aplikuar në zonën pas kofshëve mund të kërkoni ndihmën e dikujt. Masazhoni celulitin me anë të një dorashke pakëz të ashpër ose një furçe dhëmbësh me fije të forta. Ky trajtim duhet përdorur dy javë pa ndërprerë derisa të vihen re rezultatet e para. Ndërkohë nuk duhet të hiqni dorë nga regjimi ushqimor i shëndetshëm dhe aktiviteti fizik, në mënyrë që ndryshimet të jenë në funksion të trupit.

Si uthulla e mollës, ashtu edhe mjalti kanë në përmbajtjen e tyre përbërës aktivë që përmirësojnë funksionet metabolike të njeriut. Eleminojnë toksinat dhe pastrojnë venat e gjakut nga mbiveshja yndyrore. Kurse hithra ka një rol shumë të rëndësishëm si anti-inflamator i qelizave të ndryshme trupore, eleminon lëgjet e tëpërta dhe shkrin gjendrat dhjamore nën epidermë që sjellin shfaqjen e celulitit.

Sot mund të lexoni Shfletoni kopertinat