Fillon ‘Rrugëtim prej Kampioni’

Dokumentare

Fillon ‘Rrugëtim prej Kampioni’

Më: 13 mars 2017 Në ora: 11:36
Pamje nga xhirimet e dokumentarit ‘Rrugëtim prej Kampioni’

Dokumentari i cili flet për rrugëtimin e legjendës së Bodibilldingut shqiptar z. Idriz Humolli ka filluar xhirimet sot me 11 mars 2017 në Pallatinë e Rinisë në Prishtinë.

‘Rrugëtim prej Kampioni’ me regji nga Kushtrim Kadriu dhe me skenarist dhe producent Arton Humolli kanë filluar xhirimet të cilat pritet të zgjasin deri në fund të muajit korrik të këtij viti.

Ky dokumentar do të shtjellojë themelimin e sportit të Bodibilldingut në Kosovë, hapjen e klubit të parë, sukseset e z. Idriz Humolli si kampion i shtatëfisht i Kosovës si dhe ndikimin e tij në popullarizimin dhe masovizimin e Bodibilldingut në Kosovë.

Arton Humolli rreth dokumentarit u shpreh: ‘Duke i pasur parasysh konditat e asaj kohe; gjendjen politike, sociale e ekonomike si dhe informatat e pakta që ishin rreth Bodibilldingut, doli që rrugëtimi drejt themelimit të këtij sporti të ri të ishte sa sfidues e i mundimshëm aq edhe frymëzues e inspirues për gjeneratat e reja.’

Ky film është prodhim i shtëpisë filmike ‘A&G Production’ i mbështetur nga Qendra Kinematografike e Kosovës dhe pritet të përfundoj në muajin tetor të këtij viti.

 

Image
Sot mund të lexoni Shfletoni kopertinat