Një nga burimet kryesore që ushqen arkën e shtetit shqiptar janë investimet e huaja.
Madje edhe reforma në drejtësi synon heqjen e Shqipërisë nga grupi i vendeve ku shteti ligjor është peng i të korruptuarve dhe garantimin e kompanive prestigjoze ndërkombëtare për të hyrë në tregun shqiptar.
Për Ora News, Drejtori i Agjencisë së Investimeve të Huaja, Gent Beqiri deklaron se nga shtatori pritet që të konkretizohen projektet e 15 kompanive të mëdha, që kanë shfaqur interes për të investuar 1 miliardë euro në Shqipëri dhe për të hapur 3 mijë vende pune.