Qeveria e Kosovës në mbledhjen e mbajtur ka miratuar Listën Prioritare të Projekteve Infrastrukturore.
Ministri i Integrimit Europian, Bekmi Çollaku, është shprehur i lumtur për këtë vendim të Qeverisë, të cilin edhe e ka arsyetuar para kabinetit qeveritar.
Ndërsa në një postin më facebook, Çollaku ka kujtuar se Bashkimi Evropian ka ndarë 1 miliard Euro për financimin e projekteve infrastrukturore që do të dalin nga procesi i Berlinit, përmes Kornizës Investuese për Ballkanin Perëndimor.
“Sot kemi miratuar programin e investimeve infrastrukturore të përbërë prej 55 projekteve në vlerë prej 2.7 miliard Euro. Institucionet e Kosovës kanë arritur të përgatitin një program të qartë të investimeve infrastrukturore për vitet dhe dekadat në vijim”.
“Republika e Kosovës tashmë ka përfituar grantin e parë investiv për Rehabilitimin e Linjës Hekurudhore 10, në vlerë prej afro 52 milion Euro. Projektet e tilla, përpos ndërtimit të infrastrukturës së re apo rehabilitimin e saj, do të sjellë integrim më të mirë të tregjeve, lëvizjen më të mirë të udhëtarëve dhe forcimin e konkurrueshmërisë së vendit”.
“Lista Prioritare e Projekteve Infrastrukturore do të shërben si udhërrëfyes për investimet e ardhshme infrastrukturore në Kosovë dhe bazë për orientimin e shpenzimeve tona buxhetore, asistencën e donatorëve dhe negociatave financiare me Bankat zhvillimore”, ka shkruar Çollaku.
