Banka për Biznes (BPB), gjatë vitit 2016, ka qenë e angazhuar në shumë aktivitete mbi të cilat ka mbizotëruar transformimi i brendshëm drejt aplikimit të një modeli të ri të biznesit i mbështetur dhe i orientuar kah ndërmarrjet e vogla dhe të mesme.
Kështu ka thënë kryeshef ekzekutiv i BPB, Arton Celina, në një intervistë për Kp. BPB nga “Global Banking & Finance”, është shpallur banka me rritje të shpejt dhe banka në përgjegjësi më të lartë sociale.
Celina ka treguar se vitin që shkoi, BPB ka pasur ngritje të depozitave për 10 përqind. BPB, sipas tij, ka pasur edhe rritje me 18 përqind në portofolion e kredisë, e cila është mbi mesataren e sektorit.
Celina: BPB gjatë vitit 2016-të, kishte aktivitete të shumta
“Banka jonë në vitin 2016, ka qenë e angazhuar në shumë aktivitete të ngjeshura mbi të cilat ka mbizotëruar transformimi i brendshme drejt aplikimit të një modeli të ri të biznesit i mbështetur dhe i orientuar kah ndërmarrjet e vogla dhe të mesme, model ky i cili në vete ka ngërthyere shumë aktivitete të tjera të brendshme, si përmirësimi i vazhdueshme i proceseve, shkurtimi i procedurave të kohës së punës, avancimi i sistemeve të teknologjisë, trajnimi i stafit. Të gjitha këto kanë qenë karakteristikat kryesore të zhvillimeve të brendshme në bankën tonë”, tha Celina.
Ai po ashtu ka treguar se BPB, përveç transformimit të brendshëm ka vazhduar me transformimin e jashtëm, duke rindërtuar disa degë të bankës. Po ashtu, BPB ka përformuar shumë mirë dhe me sukses në aspektin e biznesit dhe atë financiar.
Celina: Patëm rritje të profitit në depozita
“Përveç këtyre karakteristikave. Viti 2016, ka qenë jashtëzakonisht i suksesshme edhe në aspektin e rezultateve biznesore dhe financiare. Kemi pasur një rritje të konsiderueshme të rritjes së profitit, kemi pasur ngritje mbi 10 përqind të volumit të depozitave, kemi pasur një rritje prej 18 përqind portofolios kreditore, rritje kjo e cila është mbi mesataren e sektorit, kemi arritur t’i mbajmë kreditë jopërfomuese nën 5 përqind, që është dukshëm nën mesataren e sektorit. Të gjitha këto rezultate nuk kanë mbetur të pa mirënjohura, pasi që nga revista prestigjioze britanike. “Global Banking & Finance”, jemi shpallur si banka me rritje të shpejt dhe banka me përgjegjësi më të lartë sociale”, tha Celina.
Ai pret që edhe viti 2017-të, të vazhdojë me dinamikën dhe suksese, ashtu sikurse në vitit 2016-të.
Celina: BPB do të angazhohet në zhvillimin e ndërmarrjeve të vogla dhe të mesme
“Pra, 2016 pak a shumë ka qenë në këtë formë në PBP, pres një vit po aq dinamik sa në 2016. Trendet e rritjes ekonomike janë po ashtu optimiste. Zhvillimet e përgjithshme në treg janë mjaftë të favorshme. Unë besoj që 2017 do të jetë së paku po aq e suksesshme dhe rentabile se sa 2016. Viti 2017-të, në BPB pritet ta fokusoj BPB-në dhe ta përfundoj në pozicionimin e një banke amë e ndërmarrjeve të vogla dhe të mesme, duke ofruar paketa me solucione shumë më të adaptueshme financiare për ndërmarrjet e vogla dhe të mesme ”, tha Celina.
Ai ka thënë po ashtu se BPB do të vazhdojë të avancojë produktet e saja kreditore në shumë segmente.
Celina: Do të vazhdojmë të japim kredi për efiçencën
“Nga BPB-ja, tregu financiar mund të pres risi të shumta në sferën e ndërmarrjeve të vogla dhe të mesme. Ne do të vazhdojmë me avancimin e produkteve tona kreditore në disa segmente, edhe në 2016 kemi pasur kredi për efiçiencë të energjisë, do të vazhdojmë në këtë sferë në bashkëpunim edhe me IBRD po edhe me një institucion tjetër ndërkombëtar të cilën presim ta nënshkruajmë në fillim të vitit të ardhshëm. Do të vazhdojnë kredit hipotekare, si dhe do të kemi risi në produkte afatshkurtër për ndërmarrjet e vogla dhe të mesme, si dhe punëtoret e tyre”, tha Celina.
Ai në fund i ka uruar qytetarët e Kosovës, duke iu dëshiruar një mirëqenie të mirë.
