(E plotësuar) - Pakoja e re fiskale e cila do të mundësojë lehtësira për bizneset, krijimi i Agjencisë të të hyrave,i cili i bashkon Doganën dhe Administratën Tatimore të Kosovës janë disa prej objektivave kryesore që Ministria e Financave ka për këtë vit.
Në një konferencë për media,ministri Avdullah Hoti, ka shpalosur të arriturat dhe synimet për këtë vit. Mision i pa mundur vitin që lamë pas ishte edhe mosarritja e të hyrave nga dividenta prej 15 milion eurove nga Telekomi i Kosovës.
Hoti: Me pakon e re fiskale do të pefi tojën prodhuesit vendor
“Është pakoja fiskale e cila në parim është aprovuar në dhjetor të vitit të kaluar dhe ne tani jemi duke diskutuar gjerësisht me shoqata , Oda Ekonomike për të marrë propozime , përpara se të kthehemi prapë në Qeveri ta aprovojmë këtë pako ligjore me kohore dhe me institucione përgjegjëse...Elementet kryesore të kësaj pako është zgjerimi i listës së lëndëve të para që lirohen nga tatimi doganor për të mbështetur prodhuesit vendor. Heqjen përfundimtare të akcizës në mazut që importohet për qëllime prodhimi....Udhëzimi administrativ për pushime tatimore për investime të reja që ndodhin në vend varësisht prej nivelit të investimeve dhe vendeve të reja të punës që do të krijojnë”, tha Hoti.
Hoti parasheh që ketë vit të ketë rritje ekonomike 4 përqind. Vitin që shkoi kishte rritje ekonomike solide.
Hoti: Këtë vit presim të kemi mbi 4 përqind rritje ekonomike
“ Unë pres që gjatë këtij viti të tejkalojmë rritjen ekonomike prej 4 përqind. Kërkoj që të keni edhe pak durim derisa të konsolidojmë të gjitha të dhënat për vitin 2106. Të dimë të dhënat përfundimtare të 2016, dhe në bazë të saj do e shihini se si do të jenë rrjedhat gjatë vitit 2017. Por gjitha të dhënat preliminare tregojnë se ka pasur një rritje solide ekonomike gjatë vitit të kaluar”, tha Hoti.
Objektivë tjetër , sipas tij është edhe krijimi i Agjencisë të hyrave për tatime dhe dogana të Kosovës. Ai po ashtu ka thënë se viti që shkoi ka qenë i suksesshëm sa i përket të hyrave. Ai tha se të hyrat janë rritur me 9.5 përrind , krahasuar me vitin 2015, dogana dhe ATK –ja , kanë mbledhur 154 milionë euro më shumë se sa në vitin 2015 . Ndërsa tregoi që vitin që shkoi ka pasur shumë më pak shpenzime se sa vitet paraprake.
Hoti: Kemi kursye, shpenzuam më pak në mallra dhe shërbime
“Viti i kaluar është përmbyllur me 1 miliardë e 682 milion euro , shpenzime që është një rritje prej 6.9 përqindë o, krahasuar me vitin paraprak. ...Kemi pasur kursime për rreth 6 milion në mallra dhe shërbime ka një rënie për shpenzime në mallra dhe shërbime për 2.9 përqind...Si rezultat i këtyre veprimeve ne kemi arritur ta përmbyllim vitin 2016 me shumë sukses. Sa i përket bilancit bankar i cili preliminar deri tash është 270 milion euro , 10 milion euro më shumë se vitin 2015 “, tha Hoti.
Hoti po ashtu ka treguar se vitin 2016 nuk ka arrit të marrin të hyra të cilat ishin të projektuara nga Telekomi i Kosovës.
Hoti: Telekomi i Kosovës nuk ka paguar asnjë cent për buxhetin
“Përgjegjësit ligjore janë të ndara. Në MF , i përgatisim projeksionet. Për vitin 2016 , 23 milionë ka qenë e parashikuar dividenta që duhet të paguhet por me rishikim e kemi zbritur në 15 milionë, por nuk është paguar asgjë nga Telekomi i Kosovës. Unë besoj që ministri i Zhvillimit Ekonomik në takimin e ardhshëm të Komisionit të Ministrave që i mbikëqyr ndërmarrjet publike duhet të raportojë se pse nuk ka arritur ta kryej këtë obligim ligjor që e ka ndaj aksionarit”, tha Hoti.
Ai po ashtu ka thënë se shumë shpejt pritet të bëhet përzgjedhja e drejtorit të Doganave të Kosovës.
Prezantohen objektivat e Ministrisë së Financave për këtë vit (Drejtpërdrejt)
Ministri i Financave Avdullah Hoti mban konferencë për media, ku do të prezantojë planet dhe objektivat e Ministrisë së Financave për vitin 2017.
Kështu ka njoftuar Ministria e Financave përmes një njoftimi për media.
