(E plotësuar) - Kompanitë e sigurimeve fizike, pastrimit, hoteliere, sistemi privat i arsimit, marketet e vogla, sistemi privat i shëndetësisë, do të jenë cak i inspektimit nga inspektorati i punës gjatë këtij viti.
Këtë e ka bërë të ditur drejtori i Inspektoratit të Punës, Basri Ibrahimi. Ai në një konferencë për media ka prezantuar raportin e punës për vitin 2016 dhe planin për këtë vit.
Ibrahimi: Këtë vit kemi në plan të inspektojmë spitale dhe hotele
“Kompanitë e sigurimeve fizike, kompanitë e pastrimit, kompanitë hoteliere, sistemi privat i arsimit, maketet e vogla, besoj që shumë prej jush e keni vërejt se ka mjaftë vërejtje nga maketet e vogla që i kanë dy, tre punëtorë, edhe ata punëtorë punojnë pa kontrata, janë me orare të zgjatur e kështu me radhë. Gjithashtu, industria e drurit, furrat e bukës në bazë të praktikës ne kemi vërejtur që furrat e bukës përveç atyre që punojnë gjatë ditës, problemi më i madh është i punëtoreve të cilët punojnë gjatë natës. Ata punojnë edhe në kushte edhe më të vështira por edhe me orarë të zgjatur. Sistemi privat shëndetësor, ne kemi mjaftë klinika spitale, ordinanca të ndryshme private të cilat fatkeqësisht pak kemi arritur që t’i inspektojmë këto subjekte dhe ndërtimtaria, po edhe ndërtimtari. Ndërtimtarin e kemi permanent”, tha Ibrahimi.
Ai po ashtu ka thënë se gjatë vitit që lamë pas, në vendin e punës kanë humbur jetën 9 persona.
Ibrahimi: Gjatë vitit të kaluar nëntë persona kanë humbur jetën
“Në vitin 2016 ne i kemi pasur gjithsej 7 mijë e 285 inspektime, me krekës të palës i kemi pasur 456 inspektime, që do të thotë punëtorët ose palët të cilat kanë konsideruar që iu ka shkelur ndonjë e drejt e tyre nga ana e punëdhënësit, ata janë ankuar në inspektorët të punës, dhe të gjitha këto raste inspektorati i punës i ka trajtuar dhe ka marrë vendime meritore sipas ligjit. Në institucione të gjëra i kemi pasur 115 inspektime prej tyre ne kemi hasur në 1 mijë e 300 pa kontrata pune, që në krahasim me vitin 2015 që kanë qenë 1 mijë e 860 pa kontrata, në këtë vit i kemi mbi 560 punëtorë më pak pa kontrate pune...Numri i gjobave të shqiptuara në vitin 2016 është 128, është më i vogël se sa numri i gjobave të shqiptuara në vitin 2015....Numri i të vdekurve dhe lëndimeve në vendin e punës është përafërsisht i njëjtë në vitin 2015, kemi pasur në raste të vdekjes në vendin e punës, gjithashtu edhe në vit in 2016, 9 raste janë të vdekjes në vendin e punës, por me një dallim esencial. Në vitin 2015, kryesisht kanë qenë në ndërtimtari. Ndërsa, në vitin 2016, janë 4 raste që nuk janë në ndërtimtari”, tha Ibrahimi.
Ibrahimi ka shtuar se këtë vit do të certifikohen personat me certifikata për siguri dhe shëndet në punë.
Ministri i Punës dhe Mirëqenies Sociale, Arban Abrashi ka ofruar mbështetje inspektoratit. Ai ka treguar se kanë filluar me çështjen e rregullimit të pagës minimale.
Abrashi: Këtë vit do të punojmë në çështjen e pagës minimale
“Luftimi i informalitetit, kushtet e punës, rrezikshmërisë në punë dhe shëndetit në punë është një proces dy kohor, prandaj, përmes kanaleve të komunikimit, besoj që arrihet një nivel më i lartë i komunikimit edhe i transparencës së punës së inspektoratit. ..Vitin e kaluar kemi filluar një qasje të re, qasje e cila nuk ka të bëjë vetëm me gjobitje por qasje që ka të bëjë me edukim dhe informim të bizneseve dhe industrisë për detyrimet dhe obligimet në kushte ligjore të cilat ata duhet t’i ofrojnë karshi punëtorëve...Në kuadër të bashkëpunimit që kemi me inspektoratin dhe këshillin ekonomi social, ne kemi diskutuar edhe çështjen e pagës minimale. Atë çka ka vërejtur inspektorati është që në shumë institucione për punë të njëjta ka pagesa të shumëllojshme edhe që dallojnë shumë, ne mendojmë që do të marrim dhe të bëjmë një unifikim të pagës minimale përmes këshillave të inspektorati atij e konomik social”, tha Abrashi.
Ai po ashtu ka thënë se sfidë për inspektoratin vazhdon të mbetet numri i vogël i inspektorëve, por që sipas tij, programi i Qeveris me FMN, nuk e lejon shtimin e numrit në sektorin publik.
Marketet dhe furrat e bukës nën llupën e inspektoratit
Institucionet private të arsimit, marketet, furrat e bukës e shumë veprimtari do të jenë nën llupën e inspektoratit të punës këtë vit.
Kryeinspektori në Inspektoratin e Punës, Basri Ibrahimi ka thënë se edhe sektori i ndërtimtarisë do të inspektohet për kushtet e punës për punëtorë.
Ai tha se gjatë vitit 2016, në vendin e punës kanë humb jetën 9 punonjës. Ndërsa, kanë gjetur mbi 1 mijë e 300 punonjës pa kontrata pune.
