Sejdiu: Qytetarët po bien viktima të skemave mashtruese të kriptovalutave - Bota Sot
Sejdiu: Qytetarët po bien viktima të skemave mashtruese të kriptovalutave

Ekonomi

E enjte, 22 shkurt 2018

Sejdiu: Qytetarët po bien viktima të skemave mashtruese të kriptovalutave

Më: 18 janar 2018 Në ora: 11:42
Korab Sejdiu

Deputeti i pavarur i Kuvendit të Kosovës, Korab Sejdiu, ka thënë se qytetarët e Kosovës po bëhen viktimë, skemave mashtruese ‘bëhu-i-pasur-shpejtë’, nëpërmjet investimeve në kriptovaluta.

Ai ka përmes një postimi në profilin e tij, në Facebook ka shkruar thënë se të premten ka planifikuar të parashtroj një pyetje parlamentare për ministrin e Financave, Bedri Hamza, me qëllimin që të ngritët vëmendja e Qeverisë së Kosovës për çështjen e kriptovalutave.

“Në vendet e varfra dhe të pashpresa si vendi i ynë, qytetarët shpesh bëhen viktimë e skemave mashtruese “bëhu-i-pasur-shpejtë”. Shumë analistë me renome paralajmërojnë se kriptovalutat janë një skemë e tillë. Një numër i madh i qytetarëve tanë po investojnë në kriptovaluta, duke rrezikuar edhe asetet me elementare personale. Rrjedhimisht, nesër planifikoj të parashtroj një pyetje parlamentare për Ministrin e Financave, si mënyrë për të ngritur vëmendjen e ekzekutivit për këtë çështje shumë të rëndësishme dhe mundësisht shkatërruese për ekonominë tonë”, ka shkruar deputeti Korab Sejdiu.

Komentet
comments powered by Disqus
Sot mund të lexoni Shfletoni kopertinat
Sondazh
    test