Oda Ekonomike e Kosovës, Rrjeti i Shitësve me Pakicë, Oda e Afarizmit të Kosovës dhe asociacione të tjera të biznesit janë shprehur tejet të brengosura në lidhje me vendimin e Bordit te AKP-së, të marrë më datë 25 qershor të këtij viti ndaj Kompanisë Elkos Group (si blerës i Ndërmarrjes se Re” Famipes” Prizren) duke aplikuar ndëshkimin prej 1,170,000 Euro.
“Odat dhe asociacionet e biznesit janë shumë te shqetësuara me vendime të tilla të cilat e dëmtojnë biznesin vendor dhe njëkohësisht krijojnë imazh jo te mirë në opinionin vendor dhe ndërkombëtar duke bërë që investitorët e huaj të hezitojnë të investojnë në vendin tonë”, thuhet në një pjesë të kësaj kërkese.
Tutje, Odat dhe asociacionet e biznesit kërkojnë nga Bordi i Agjencisë Kosovare te Privatizimit, Kryeministri i Kosovës dhe Kryetari i Kuvendit që të merret në konsideratë ky shqetësim dhe te rishqyrtohet vendimi i marrë ndaj Kompanisë Elkos Group. Kjo sepse ata konsiderojnë se vendimi nuk është i padrejtë dhe është i dëmshëm për kompaninë, por edhe ekonominë e Kosovës në përgjithësi.
