Anëtarët e Këshillit Kombëtar për Zhvillim Ekonomik kanë vendosur që të fusin në funksion kërkesën e kamotshme për t’i dhënë më shumë hapësirë prezencës së prodhimeve vendëse brenda institucioneve. Ministrja e Tregtisë dhe e Industrisë, Mimoza Kusari-Lila, ka thënë se brenda një periudhe të shkurtë kohore do të dihet se cilat prodhime dhe shërbime të vendit do të mund të mbulojnë kërkesën e institucioneve vendëse për t’u furnizuar me to. Në takimin e 5-të të këtij këshilli është miratuar udhëzuesi për rishikimin e lejeve dhe licencave, si dhe për masat e marra me qëllim të përmirësimit të rangimit të Kosovës në raportin e Bankës Botërore “Doing Business”.
