Qeveria greke liron fonde për projekte prioritare - Bota Sot
Qeveria greke liron fonde për projekte prioritare

Ekonomi

E martë, 30 gusht 2016

Qeveria greke liron fonde për projekte prioritare

Më: 3 tetor 2012 Në ora: 18:19

Qeveria greke ka zhbllokuar 30 milionë euro për ndërtimin e një piste ndërkombëtare ku do të zhvillohet çmimi i madh i Formulës 1. Lajmi është publikuar nga ministria e zhvillimit, sipas të cilës objektivi kryesor është gjenerimi i punësimit dhe stimulimi për ekonominë vendase. Pista ku do të zhvillohen garat për Formulën 1 do të ndërtohet pranë portit të Patras, në jug perëndim të vendit. Totali i ndërtimit të kësaj vepre të madhe arrin në 94,6 milionë euro dhe përvec fondeve qeveritare paratë janë të garantuara edhe nga shoqëria private e investimeve Racetrack Patras. Ministria ka shpjeguar këtë vendim të qeverisë në kuadër të përpjekjeve për përshpejtimin e investimeve prioritare, por të vonuara për shkak të burokracisë. Projekti ka marrë ok e qeverisë greke që në muajin maj duke patur parasysh efektet pozitive në nivel turistik dhe atë të punësimit. Pista e garave parashikohet të ndërtohet për tre vjet. Ndër të tjera qeveria greke ka cbllokuar edhe dy linja të tjera kredie, njëra për financimin dhe ndërtimin e një impianti të paneleve diellore prej 29,5 milionë euro dhe tjetra për rikonstruksionin e hoteleve luksoze në ishullin e Kretës prej 15 milionë euro. Të gjitha këto fonde po akordohen nga qeveria për projektet prioritare të saj në një kohë kur rritet presioni i trojkës për paketën e re të kursimeve. Inspektorët e trojkës i kanë kërkuar ministrit të Financave Stournaras sqarime të mëtejshme mbi shkurtimin e 1,5 miliardëve euro të identifikuara për 2013, kryesisht në sektorin e shëndetësisë, mbrojtjes dhe atij publik por edhe për parashikimin e përfitimeve prej 2 miliardë euro në bilancin e 2014-ës. Athina është në qendër të trojkës edhe për disa vonesa në refromat strukturore sic janë liberalizimi i profesioneve të mbyllura, të shërbimeve dhe energjisë përvecse krijimit të një organizmi të ri për menaxhimin e kontratave shtetërore. Paketa e kursimeve sipas marrëveshjes duhet të jetë gati përpara takimit të Eurogrupit më 8 tetor, ndërkohë që kreu i financave Stournaras ka deklaruar për gazetën gjermane “Bild” se raporti i trojkës do të jetë gati brenda gjysmës së parë të këtij muaji.

Komentet
comments powered by Disqus
Më të lexuarat
Sot mund të lexoni Shfletoni kopertinat
Sondazh Kush ka të drejtë dhe çfarë duhet të bëj Qeveria me demarkacionin me Malin e Zi?

    Kuvendi duhet ta votojë marrëveshjen për demarkacion me Malin e Zi

    Qeveria duhet ta rishikoj marrëveshjen

    Opozita ka të drejtë që po kundërshton demarkacionin

    Qeveria ka të drejtë për demarkacionin

    Nuk duhet të votohet marrveshja, sepse me demarkacion Kosova humbë tokë

    Shiko rezultatet
test