BE do të marrë në dhjetor vendime për reformat - Bota Sot
BE do të marrë në dhjetor vendime për reformat

Ekonomi

E diel, 28 gusht 2016

BE do të marrë në dhjetor vendime për reformat

Më: 20 tetor 2012 Në ora: 16:36

Diskutimet e BE-së mbi hapat e tjerë për integrimin janë të gjata. Në mes të dhjetorit do të merren vendimet. Mbikqyrja e përbashkët e bankave do të fillojë në fund të 2013.
Në darkën me gatime vjeshte kryetarët e shteteve dhe të qeverive u përpoqën të gjenin një linjë të përbashkët për zhvillimin e mëtejshëm të bashkimit monetar dhe ekonomik. Pjesëmarrësit e takimit diskutuan deri natën pa marrë vendime thelbësore. Ato do të merren në dhjetor në takimin e nivelit të lartë të BE-së, tha Angela Merkel, në fillim të takimit të Bruskelit. Presidenti francez Francois Hollande mendon ndryshe dhe tha se tani duhet marrë vendim i për futjen në janar të 2013 të kontrollit të përbashkët mbi bankat. Hollande u kthye në avokat të shteteve të vogla jugore që ndodhen në krizë. Këto vende kanë nevojë sa më parë për kontrollin mbi bankat, sepse do të marrin nga Fondi i shpëtimit të euros, kapital të ri për bankat e tyre të shkatërruara. Por ky kapital do të jepet vetëm kur bankat të kenë kontroll të përbashkët.
Angela Merkel dhe Hollande
Detajet për kontrollin mbi bankat janë të diskutueshme
Gjermania, Finlanda dhe Hollanda, pra vendet veriore të BE-së frenojnë këtë proces. Kancelarja Merkel, përsëriti shprehjet e ministrit gjerman të Financiave Wolfgang Schäuble: "Thellësia para shpejtësisë". Në fakt ekzistojnë një seri problemes ligjore të komplikuara me kontrollin mbi bankat. Britania e Madhe dhe Danimarka që nuk duan ta fusin kurrë monedhën e përbashkët, kritikojnë faktin që kontrolli mbi bankat, do të vendoset tek Banka Qendrore Evropiane. Kjo bankë është përgjegjëse vetëm për euron, argumentojnë diplomatët nga këto vende. Shërbimi juridik i Këshillit të BE-së, pra përfaqësisë nga të gjitha vendet anëtare, ka rezerva ligjore kundër konstruksionit të planifikuar të ngrihet, njofton gazeta "Financial Times". Mbase duhet ndryshuar statuti themelor i Bankës Qendrore Evropiane.
Angela Merkel
Kompromisi është duke u arritur
Punonjës të lartë qeveritar nga delegacioni gjerman nuk pranojnë që kontrolli mbi bankat të fillojë nga puna që në janar të 2013-ës. Kjo është vendosur në takimin e nivelit të lartë të qershorit. Franca, Spanja dhe Italia këmbëngulin që të bëhet. Kryeministri luksemburgas, Jean-Claude Juncker tha se nëse nuk arrihet marrëveshje për vendimet e marra, atëherë ekziston nevoja e bisedimeve. Shefi iBankës Qendrore Evropiane, Mario Draghi, i cili do të ngarkohet me kontrollin mbi bankat, pati thënë javën e kaluar se kontrolli mbi bankat mund të ngrihet gjatë vitit 2013, dhe pas një viti të futet komplet në punë. Si kompromis midis qendrimit francez dhe gjerman është duke u arritur për qartësimin e kuadrit ligjor për kontrollin mbi bankat. Vendimi kur duhet të fillojë të punojë vërtet nuk është arritur ende. Në vitin 2014 do të vendosen nën mbikqyrje e përbashkët 6000 banka të Bashkimit Evropian, thuhet nga delegacioni francez.

Komentet
comments powered by Disqus
Më të lexuarat
Sot mund të lexoni Shfletoni kopertinat
Sondazh Kush ka të drejtë dhe çfarë duhet të bëj Qeveria me demarkacionin me Malin e Zi?

    Kuvendi duhet ta votojë marrëveshjen për demarkacion me Malin e Zi

    Qeveria duhet ta rishikoj marrëveshjen

    Opozita ka të drejtë që po kundërshton demarkacionin

    Qeveria ka të drejtë për demarkacionin

    Nuk duhet të votohet marrveshja, sepse me demarkacion Kosova humbë tokë

    Shiko rezultatet
test