Schaeuble: Kriza greke, faji i Athinës - Bota Sot
Schaeuble: Kriza greke, faji i Athinës

Ekonomi

E shtunë, 30 korrik 2016

Schaeuble: Kriza greke, faji i Athinës

Më: 26 tetor 2012 Në ora: 20:20

“Faji për situatën e rëndë në Greqi nuk është i askujt tjetër përveç vetë Greqisë dhe politikanëve grekë”.

Kështu ka deklaruar ministri gjerman i Financave, Wolfgang Schaeuble, në një intervistë për televizionin gjerman ZDF, i cili ka publikuar një pjesë të saj.

“Nëse në Greqi politikanët bindin njerëzit se fajin e problemeve të tyre e ka dikush në Bruksel, në Evropë apo në Gjermani, atëherë ata janë demagogë të papërgjegjshëm”, ka thënë Schaeuble.

Ndonëse gjatë vizitës së fundit në Greqi, kancelarja Angela Merkel shprehu mbështetjen e saj për shtetin helen, Berlini zyrtar nuk i rezervon akuzat në adresë të klasës politike greke për krizën financiare.

Ditën e mërkurë ministri i Financave, Yannis Stournaras njoftoi se Greqisë iu dha më shumë kohë për të shlyer borxhet e saj dhe për të realizuar reformat e domosdoshme.

Athina kishte kërkuar më parë dy vite më shumë kohë, për të realizuar shkurtimet buxhetore të vendosura si kusht nga Trojka për akordimin e plotë të të gjithë kësteve të huasë prej 130 miliardë eurosh.

Huatë e trojkës, një treshe që përfshin Bashkimin Europian, Bankën Qendrore Europiane dhe Fondin Monetar Ndërkombëtar, janë ato që po mbajnë ende në këmbë financat helene praktikisht të falimentuara.

”Sot fituam shtyrjen e afatit”, deklaroi ministri i Financave për mediat greke gjatë pasdites së dy ditëve më parë, pa specifikuar se sa kohë i është dhënë Athinës.

Komentet
comments powered by Disqus
Më të lexuarat
Sot mund të lexoni Shfletoni kopertinat
Sondazh Çfarë tenton të arrijë Thaçi me përuljen që bëri para lapidarit të serbëve në Grackë të Lipjanit?

    Kërkon të “blejë" paqe me Serbinë

    Të heqë akuzat që janë përfolur ndaj tij

    Të mohoj gjenocidin serbë në Kosovë

    Të duket i mirë para ndërkombëtarëve

    Shiko rezultatet
test