Gazeta gjermane Bild e ka intervistuar Thomas Salbey, njeriun i cili e xhiroi sulmuesin në çati të parkingut afër qendrës tregtare “Olympia”.
Intervisat është përkthyer nga gazetarja e The Guardian, Kate Connolly, prej gjuhës gjermane në anglisht, ndërsa Express ua sjell në shqip.
Po pija birrë pas pune kur i dëgjova të shtënat. Së pari në McDonalds – bam, bam, bam – kështu tingëlluan.
I pashë 10 njerëz duke vrapuar jashtë qendrës tregtare, e cila është direkt nën shtëpinë tonë. Së pari mendova, ai po gjuante me Kallashnikov. Pastaj, shikova poshtë nga ballkoni im dhe e pashë atë duke u futur përmes hyrjes së xhamit. E kishte mbushur revolen. E gjuajta me birrë. U shpartallua në çatinë e xhamit. Por, mendoj se ai nuk e vërejti fare.
Salbey tha po ashtu se i kishte thënë sulmuesit “hajvan” dhe “a je çmendur” i cili ishte shfaqur në çati.
Ai ia kishte kthyer: “Jam gjerman”.
Sipas Salbey, vrasësi Sonboly ka shtënë në drejtim të tij.
Ai ka thënë se ekzistojnë vrima nga plumbat në ballkonin e tij.
U fsheha shumë shpejt. Por, e pashë se sa me qetësi ecte ai nëpër çatinë e parkingut.
Salbey tha se kur policia kishte arritur në vend të ngjarjes, nuk e kishte ditur vendndodhjen e sulmuesit.
U thashë policëve ‘ai është në çatinë e parkingut’. Nuk kisha frikë. Nuk e dija nëse ata ishin plumba të vërtetë, apo plumba gome.
