Ministri i Jashtëm i Turqisë, Mevlut Cavusoglu, i ka kërkuar Berlinit që të ekstradojë përkrahësit e supozuar të klerikut mysliman turk, Fetullah Gulen, të cilët jetojnë në Gjermani, raporton DPA.
Cavusoglu pretendon se prokurorë dhe gjykatës që janë pjesë e lëvizjes së Gulenit janë aktualisht në Gjermani, ku ndodhet një numër i madh i komunitetit turk.
Ndërkaq, kancelarja gjermane Angela Merkel i është përgjigjur menjëherë kërkesës së ministrit turk duke thënë se Gjermania do të veprojë në bazë të rregullit dhe ligjit.