Kancelarja gjermane, Angela Merkel, i ka ftuar shefat ekzekutivë të disa nga kompanive më të mëdha gjermane që të marrin pjesë në samitin e muajit të ardhshëm ku ajo do t’iu bëjë thirrje atyre që të punësojnë më shumë refugjatë, ka raportuar sot gazeta gjermane Bild.
Më shumë se një milion emigrantë e vërshuan Gjermaninë vitin e kaluar, dhe Qeveria dëshiron që t’i fusë sa më shumë që është e mundur në tregun e punës, gjë që do ta zvogëlonte varjen e tyre në shtetin gjerman dhe do të kompensonte mungesat për punëtorë me plakjen e forcës punëtore.
Merkel do t’iu bëjë presion kompanive ngurruese gjermane që të ofrojnë trajnime dhe vende pune për refugjatët, sipas Bild.
Kompanitë e mëdha janë kritikuar se kanë bërë pak për t’i integruar refugjatët në tregun e punës.
Por, kompanitë thonë se shumicës së refugjatëve të rinj u mungojnë shkathtësitë gjuhësore dhe edukimi i kërkuar për punë.