Kancelarja gjermane, Angela Merkel, e partisë konservatore Kristiandemokratët(CDU), ka deklaruar sot se janë duke marrë në shqyrtim një propozim për të ndaluar mbajtjen e ferexhesë.
“CDU-ja bie dakort se veli, që mbulon të gjithë fytyrën, është në kundërshtim me integrimin, prandaj ne e refuzojmë atë”, tha sekretari i përgjithshëm i partisë, Peter Tauber.
Ministrat e Brendshëm të shtetit do të takohen më vonë këtë javë, për të hartuar propozime për ndalimin e mbajtjes së ferexhesë në publik, në vazhdim të linjave të veprimit të ndërmarra nga Franca dhe Belgjika.
Megjithatë, ministri i Brendshëm i Merkel-it, Thomas de Maiziere ka refuzuar një ndalim të përgjithshëm.
