Papa lutet për viktimat e sulmit në Gaziantep të Turqisë

Evropë

Papa lutet për viktimat e sulmit në Gaziantep të Turqisë

Më: 21 gusht 2016 Në ora: 14:38
Papa Françesku

Papa Françesku ka kërkuar nga qindra njerëz të luten në heshtje për viktimat e sulmit në një dasmë, në Gaziantep të Turqisë.

Në lutjet e së dielës në Sheshin e Shën Pjetrit, Papa tha se ka dëgjuar për “lajmin e keq”.

“Kam marrë lajmin e keq për sulmin brutal, që ka goditur mbrëmë Turqinë. Le të lutemi për viktimat që janë vrarë ose plagosur dhe të kërkojmë nga Zoti paqe për të gjithë”, tha Papa.

Sulmi në Gaziantep, qytet që ndodhet pranë kufirit me Sirinë, ka lënë 50 veta të vrarë dhe dhjetëra të tjerë ta plagosur.

Autoritetet turke kanë fajësuar grupin militant Shteti Islamik.

Sot mund të lexoni Shfletoni kopertinat