Kontrolluesi i trenave gjerman të përplasur në Bavari disa muaj më parë, ka pranuar se ka bërë dy gabime gjatë drejtimit.
Si pasojë e përplasjes së trenave atë kohë, mbetën të vrarë 12 persona dhe dhjetra të tjerë mbetën të plagosur, shkruan tabloidi gjerman Bild.
Në bazë të ligjeve të privatësisë, i identifikuari Michael P. 40 vjeçar, pranoi se ka bërë gabim në sinjalizim duke shtypur numrin e gabueshëm të emërgjencës.
Avokati i tij poashtu tha se përveç gabimit të parë, Michael pranoi poashtu se kishte luajtur me telefonin e tij kur trenat do aksidentoheshin, njofton Klan Kosova.
Ngjarja tragjike ndodhi në Bad Aibling, më 9 shkurt, derisa viktimat ishin njerëz të moshës mes 24 dhe 59 vjeçare.
Përveç viktimave të lënduar rëndë mbetën dhe 89 pasagjerë të tjerë, shkruan tabloidi gjerman, Bild.
