Numri i emigrantëve që kanë arritur në Itali me anë të varkave nga Afrika e Veriut këtë vit ka thyer rekordin e dy viteve të kaluara, bazuar në të dhënat zyrtare.
Italia ka qenë cak i ardhjeve të reja të emigrantëve që nga zbatimi i marrëveshjes ndërmjet Bashkimit Evropian dhe Turqisë për të ndalur valët e emigrantëve.
Sipas statistikave që janë publikuar sot nga Ministria e Brendshme, 171.299 emigrantë kanë arritur në brigjet e Italisë, duke tejkaluar kështu shifrat rekorde të vitit 2014.
Vitin e kaluar, 154.000 emigrantë kanë arritur në Itali, përmes rrugëve të rrezikshme të Mesdheut, duke arritur në gjysmë milioni, numri i përgjithshëm i emigrantëve gjatë tri viteve.
Më shumë se 176.000 azilkërkues jetojnë tani në qendra strehuese të Italisë, ndërsa numri i kërkesave për azil këtë vit ka qenë më i larti ndonjëherë.
