Ish-kryeministri britanik, David Cameron deklaroi sot në Nju Delhi se fitorja e Marine Le Penit për presidencialet e majit 2017 do të ishte një goditje e rëndë për Evropën.
Me një popullaritet në rritje të partive ekstremiste dhe një rritje e populizmit nuk shënon fundin e globalizmit, por jep një paralajmërim mbi domosdoshmërinë për të përçuar një korrigjim të rëndësishëm në menaxhimin e sfidave ekonomike dhe kulturore.
“Nëse Marine Le Pen do të zgjidhej presidente, ky fakt do të ishte një goditje e rëndë për projektin evropian”, deklaroi ai gjatë një konference organizuar nga e përditshmja indiane “Hindustan Times” duke shtuar se aspironte fitoren e një prej partive klasike në pushtet.
Pas disfatës së kampit të tij në referendumin për qëndrimin e Britanisë së Madhe në Bashkimin Evropian, David Cameron dha dorëheqjen dhe u zëvendësua nga Theresa May.
“Unë ende mendoj se do të ishte e preferueshme për Britaninë e Madhe të qëndronte në Bashkimin Evropian”, u shpreh ai nga kryeqyteti indian.
