Populisti holandez i krahut të djathtë, Geert Wilders është shpallur fajtor për gjuhën e urrejtjes, pasi udhëhoqi një kor kundër marokenëve në një tubim fushate të vitit 2014.
Një gjykatë në Amsterdam e shpalli fajtor politikanin anti-islam me akuzën për diskriminim dhe nxitje të urrejtjes, në një fjalim që thuhet se ai shkeli kufijtë e fjalës së lirë.
Megjithatë, Wilders nuk do të përballet me dënim dhe do të jetë në gjendje të mbajë postin e tij si anëtar i parlamentit holandez.
Wilders nuk mori pjesë në seancën gjyqësore të sotme dhe është shprehur se do të apelojë vendimin pasi pretendon se është i motivuar politikisht.
Holanda do të zhvillojë zgjedhjet parlamentare në vitin 2017.