Udhëheqësit e Bashkimit Evropian kërkojnë të organizojnë një samit për migracionin me Turqinë në muajt e ardhshëm, deklaroi presidenti i Këshillit Evropian, Donald Tusk për gazetarët, në Bruksel.
“Ne kemi një mandat për të organizuar këtë lloj samiti në muajt e ardhshëm, pa një datë të caktuar, por me një qëllim të qartë se ne duhet të vazhdojmë një dialog me Turqinë”, tha Tusk pas një samiti të BE-së.
“Ne kemi tema të mjaftueshme për të justifikuar këtë lloj iniciative”, u shpreh Tusk, duke iu referuar jo vetëm marrëveshjes së migrimit, por edhe të një marrëveshjeje të tregtisë së lirë mes dy palëve.
Sipas një marrëveshjeje të ndërmjetësuar migrimi në muajin mars, Turqia ra dakord të marrë përsëri emigrantët që kaluan në rrugë detare nga Turqia në ishujt grekë, dhe BE-ja ka ofruar të rivendosë refugjatët sirianë që jetojnë në Turqi dhe të japin ndihmë dhe të mira në këmbim.
