Personi i dyshuar për kryerjen e sulmit prag të Vitit të Ri në një klub nate në Stamboll u trajnua në Afganistan, thotë guvernatori i qytetit.
Vasip Sahin tha se personi me origjinë uzbeke Abdulkadir Masharipov, besohet të ketë hyrë në Turqi në janar të 2016, shkruan BBC.
Sahin tha se i dyshuari ka pranuar sulmin dhe se shenjat e gishtave të tij përputhen me ato që gjenden në vendin e ngjarjes.
Tridhjetë e nëntë njerëz vdiqën në sulmin në klubin Reina dhe dhjetëra të tjerë janë plagosur.
Qytetarë nga Izraeli, Franca, Tunizia, Libani, India, Belgjika, Jordania dhe Arabia Saudite ishin në mesin e viktimave.