Presidenti i ri bullgar, Rumen Radev u betua sot në parlamentin e vendit para marrjes zyrtarisht të postit të kreut të shtetit.
Radev, 53 vjeç, kandidoi me mbështetjen e Partisë Socialiste bullgare dhe mposhti rivalin e mbështetur nga Partia Konservatore që atëherë ishte në pushtet, GERB, në një balotazh zgjedhor, më 13 nëntor.
Ai zëvendësoi Rosen Plevenliev të partisë GERB, i cili nuk pranoi të kërkonte rizgjedhje.
Triumfi i Radevit shkaktoi rënien e qeverisë dhe, duke qenë se nuk ka një koalicion të ri, Bullgaria po shkon drejt zgjedhjeve të parakohshme.
Një ish-gjeneral i forcave ajrore, Radev shihet më shumë miqësor ndaj Rusisë nga paraardhësi i tij, i cili ishte fuqimisht properëndimor.
Bullgaria është pjesë e NATO-s dhe e Bashkimit Evropian.
