Të dhënat e para të dëmeve pas lëkundjeve sizmike të së mërkurës së shkuar në Itali, tregojnë se do të nevojiten të paktën 10 miliardë euro për të përballuar emergjencën e shkaktuar nga tërmeti dhe më pas për rikonstruksionin e objekteve.
40% e ndërtesave, të shkollave dhe banesave kanë dalë jashtë funksionit.
Mbi 13 mijë e 500 persona kanë mbetur pa strehë në 4 rajone.
Qeveria ka menduar mbështetje financiare edhe për familjet që do të strehohen në hotele si dhe për ato që do të qëndrojnë në vendbanimet e tyre por që u janë shkatërruar banesat nga tërmeti.
